"Qalatasaray"ın direktoru Duyqun Yarsuvat dini lider Fətullah Gülənin "Fənərbaxça" klubunun prezidenti Əziz Yıldırımdan 50 milyon dollar istədiyini açıqlayıb.

Axar.az xəbər verir ki, Yarsuvat Gülənin pulu ala bilməyincə klubun qara günlərinin başladığını iddia edib:

"Gülənin adamları "Fənərbaxça"dan və Əziz Yıldırımdan 50 milyon dollar istədi. Əziz Yıldırım da bu pulu vermədi. Ondan sonra məlum proses başladı. Hələ proses bitməyib…"

Normal mühakimə olunmadığını deyən klub direktoru nurçuların səyi nəticəsində Əziz Yıldırımın həbsə məhkum edildiyini deyib:

"Yıldırım 6222 saylı qanun çərçivəsində mühakimə olundu. Normal olaraq əsl cəza məhkəməsində mühakimə lazım idi. Amma iddialara görə, cinayəti şəbəkə halında qəbul etdilər və ən ağır cəzanı verdilər. Məncə, bu səhv idi. Normal olaraq mühakimə olunsaydı, Əziz Yıldırım tutulmayacaqdı".