"Çeçenlər hazırda yeni inqilab və müharibəyə getməməlidirlər, yoxsa bu milli fəlakət olacaq".

Axar.az xəbər verir ki, bu açıqlama ilə mühacirətdəki çeçen lider Əhməd Zakayev çıxış edib. O, yeni müharibənin olacağına inanmadığını bildirib:

"Ruslar bu müharibənin olmayacağını və Qafqazdakı yeni situasiyanı özlərinin yaratdığını bilirlər. "İmarət Qafqaz" xalqa yeni heç nə təqdim etmir. Onlar yalnız ölümə qədər müharibə təklif edirlər ki, buna da islamda icazə verilmir. Bu həmin müharibəni başladanlara lazımdır. "İmarət Qafqaz" yaranan gündən qafqazlılar bir-birini öldürür. Hər yerdə olan rus bazaları bundan əziyyət çəkmirlər. Məhz belə şeylər üçün bu proyekt yaradıldı və ortaya atıldı. Yəni Qafqaz özüylə müharibə aparır. Bu qarşıdurma mövcud olduğu günə qədər işğalçılar özlərini rahat hiss edə bilərlər".