"Donetskdə müharibə Rusiyanın dağılmasına və hakimiyyətin çevrilişinə səbəb olacaq".

Axar.az xəbər verir ki, bu sözləri rusiyalı hərbi jurnalist Arkadi Babçenko söyləyib.

Donetskdə müharibənin böyük problemlər gətirəcəyini qeyd edən Babçenko bu tendensiyanın region hüdudlarını da aşacağını vurğulayıb.

Babçenko Rusiyada böhranın yaranacağını, hakimiyyətin rus cəmiyyətini belə idarə etmək gücünü itirəcəyini bildirib:

"Təcrübə göstərir ki, silahlı dəstələrin yaranması ölkədə xaosa gətirib çıxarır. 140 milyonluq Rusiya da Donetskdə müharibənin başlanacağı təqdirdə dağılacaq. Hazırda Rusiya dağılmanın başlanğıcındadır".