"Rus dilinin ədəbi normalarına riayət etməyən partiya üzvlərini cəzalandıracam".

Axar.az xəbər verir ki, bu açıqlama ilə Rusiya Liberal Demokrat Partiyasının lideri Vladimir Jirinovski çıxış edib. O, redaktoru olduğu yeni lüğəti jurnalistlərə təqdim edib və rus sözləri olduğu halda, alınma sözlərdən istifadə edilməsini qınayıb:

"Dili qoruyub saxlamaq lazımdır. Məsələn, rusca bələdiyyə başçısı ifadəsi olduğu halda, niyə mer sözü işlənir? Söz verirəm ki, rus dilinin ədəbi normalarına riayət etməyən partiya üzvlərini cəzalandıracam".

Jirinovski redaktoru olduğu lüğətin bir nüsxəsini Rusiya Prezidenti Vladimir Putinə hədiyyə edəcəyini açıqlayıb.