"Putin Kremli öz mülkiyyəti, hətta şəxsi sarayı da hesab edir".

Axar.az xəbər verir ki, bunu rusiyalı hərbi jurnalist Arkadi Babçenko söyləyib.

O, Putinin Rusiya ilə istədiyi kimi hərəkət etdiyini bildirib:

"Rusiya dövlət başçısı Vladimir Putin Maydanı xatırlayır və faktiki olaraq yaşayış yerini hərbi istehkama çevirir. Putin Kremli öz mülkiyyəti, hətta şəxsi sarayı hesab edir. Tayninski bağını sökərək yerinə vertolyot meydançası tikdirib. Qızıl meydana bütün giriş və çıxışları bağlayıb, orta ticarət sıralarını belə söküb. Bütün bunlar aydındır. Bu o deməkdir ki, o, ölkəni işğal edib və istədiyi kimi də hərəkət edir".