Ana səhifə Planet |
Almaniya kansleri Angela Merkellə Bavariya vilayətinin Landşut qəsəbəsinin rəhbəri Peter Dreyer arasında maraqlı dialoq yaşanıb.
Axar.az xəbər verir ki, qəsəbə rəhbəri Merkelə zəng edərək onu qaçqınlarla təhdid edib.
"Əgər Almaniya 1 milyon qaçqını qəbul edərsə, onların 1,8 mini mənim ərazimə göndəriləcək. Qaçqınlara yer verərik, lakin bu rəqəmdən artıq gələrlərsə, onları avtobuslarla sizin Berlindəki binanıza göndərəcəyəm", - Dreyer Merkelə deyib.
Merkel isə qəsəbə rəhbərinin təhdidini cavabsız qoymayıb:
"Əgər qaçqınları mənə göndərsən, onları Yunanıstana geri qaytarmaq məcburiyyətində qalacağam. Lakin qaçqınlar Yunanıstandan yenə sizin qəsəbəyə qayıdacaqlar".
Qeyd edək ki, Avropa son bir neçə aydır Suriyadan gələn qaçqın axını ilə üz-üzə qalıb.
Tarix
2015.11.03 / 01:44
|
Müəllif
İlham Sahiloğlu
|