Beyrut hava limanında 2 ton narkotiklə ələ keçirilərək nəzarətə alınan Səudiyyə şahzadəsi Əbdülmöhsün ibn Valid ibn Əbdüləziz həbs olunub.

Axar.az xəbər verir ki, Livan Rəsmi Xəbər Agentliyinin (NNA) verdiyi məlumata görə, 5-i hazırda həbsdə olmaqla 10 nəfər "Kaptaqon" adlı narkotik qaçaqçılığı və ticarətində günahlandırılıb.

Xatırladaq ki, oktyabrın 26-da Beyrut hava limanında Səudiyyə Ərəbistanının paytaxtı Ər-Riyada uçacaq təyyarədə 40 çamadanda gizlədilmiş 2 ton narkotik təşkil edilən əməliyyat nəticəsində ələ keçirilmiş və hadisəylə bağlı Səudiyyə şahzadəsi Əbdülmöhsünlə birgə 5 ərəbistanlı nəzarətə alınmışdı.