İsveçin Xarici İşlər naziri Marqot Valstromla Müdafiə naziri Peter Hultqvist Şimali İraq Kürd Regional Rəhbərliyinə səfər ediblər.

Axar.az xəbər verir ki, İsveç rəsmiləri səfər zamanı Regional Rəhbərliyin Baş naziri Neçirvan Bərzani ilə görüşüblər.

Görüş zamanı Yaxın Şərq və İraqda baş verən son hadisələr müzakirə olunub.

İsveç XİN rəhbəri səfərlərinin əsas məqsədinin kürd bölgəsinə dəstək vermək olduğunu bildirib:

"Kürdüstanda özümüzü dostlarımızın arasında hiss edirik. Kürdüstan bölgəsinə və peşmərgəyə hər istiqamətdən kömək etməyə, dəstək verməyə hazırıq. Mütəxəssislərimiz peşmərgəyə hərbi təlimlər keçməyə davam edəcək".