Donbas konflikti postsovet məkanında olan digər münaqişələrdən fərqlənir.

Axar.az xəbər verir ki, bunu Ukrayna mətbuatına müsahibəsində rusiyalı müxalifətçi Harri Kasparov söyləyib. Onun sözlərinə görə, 1990-cı illərdə olan konfliktlərin hər biri dondurulub:

"Onların hər birində etnik komponent üstünlük təşkil edib. Məncə, əgər Abxaziya, Cənubi Osetiya, Qarabağ və ya Dnestryanı konfliktlərini götürüb onları Donbasla müqayisə etsək, burada fərqli məqamlar ortaya çıxar. Donbasda etnik ayrıseçkilik güclü olmayıb. Bu nə Qarabağ, nə də Osetiyadır. Bu artıq xarici qüvvənin kifayət qədər güclü iştirak etdiyi 21-ci əsrin konfliktdir. Bir daha təkrarlayıram ki, əgər Rusiyanın açıq müdaxiləsi olmasaydı, Ukraynada heç nə baş verməyəcəkdi".