Fələstinin Əl Xəlil şəhərində fəaliyyət göstərən "Minbər Hürriyyə" radiosu fəaliyyətini dayandırıb.

Axar.az xəbər verir ki, İsrail ordusundan verilən məlumata görə, radio şiddət təbliğ etdiyi üçün bağlanıb.

"İsrailə qarşı təbliğat apardığı üçün "Minbər Hürriyyə" radiosu 6 ay müddətinə bağlanıb", - açıqlamada bildirilib.

Radio rəhbərliyi isə ordu qüvvələrinin radio binasına hücum etdiyini açıqlayıb:

"İsrail əsgərləri bu gün səhər radioya basqın edib. Hücum nəticəsində yayım cihazları tamamilə dağıdılıb, işçilər saxlanılıb".

Xatırladaq ki, sözügedən radio bu vaxta qədər iki dəfə İsrail ordusu tərəfindən bağlanılıb.