İngiltərə Baş naziri Devid Kemeronun təklifi ilə dünən yığılan Britaniya parlamenti yenidən İŞİD-lə mübarizədən imtina edib.

Axar.az xəbər verir ki, qərara əsasən, İngiltərə döyüş təyyarələrinin İraqda fəaliyyəti qənaətbəxş olmayıb, mövcud hava hücumları kifayət qədər koordinasiya edilmir. Buna görə də, İngiltərə Hərbi Hava Qüvvələrinin Suriyada əməliyyatlara başlamasına heç bir lüzum yoxdur.

Xatıradaq ki, Kemeronun Suriyada koalisiyaya qoşulma cəhdləri nəticəsiz qalır. Britaniya döyüş təyyarələri koalisiyanın tərkibində yalnız İraqda əməliyyatlar keçirir. Bu əməliyyatların Suriyada aparılması üçün parlamentin layihəni dəstəkləməsi lazımdır.