Ana səhifə Planet |
Əgər miqrantların Almaniyaya girməsinin qarşısını almaq üçün Avstriya sərhədini bağlasaq, bu, Balkan ölkələrində qarşıdurmalara gətirib çıxara bilər.
Axar.az xəbər verir ki, bu sözləri Almaniya Baş naziri Angela Merkel partiyasının (Xristian Demokrat İttifaqı) iclasında deyib.
Merkel qaçqın böhranına görə Balkanlarda gərginliyin artdığını bildirib:
"Mən Balkanlarda yenidən hərbi qarşıdurmaların başlamasını istəmirəm. Sərhədlərin bağlanması fikrinə qarşıyam. Sərhəd bağlamaq çıxış yolu deyil. Belə olan halda qaçqınlar başqa istiqamətə yönələcək, bu isə yeni problemlər yaradacaq. Anlaşmazlıqlar qısa müddətdə hərbi qarşıdurmaya çevrilə bilər".
Qeyd edək ki, Xristian Birlik Partiyası və Alman Polis Peşəsi Partiyası miqrant axınının qarşısını almaq üçün Merkeldən Avstriya sərhədini bağlamağı tələb edib.
Tarix
2015.11.03 / 17:52
|
Müəllif
İlham Sahiloğlu
|