Ana səhifə Planet |
Rus qazı Rusiyanın Tiflis üzərində əlavə siyasi rıçaqlarının meydana gəlməsinə səbəb olacaq.
Axar.az xəbər verir ki, bunu Gürcüstan mətbuatına açıqlamasında Gürcüstan Xarici İşlər nazirinin keçmiş müavini Serqi Kapanadze söyləyib. Onun sözlərinə görə, qondarma Cənubi Osetiya lideri Leonid Tibilov və Gürcüstanın Energetika naziri Kaxa Kaladzenin "Qazprom"dan qaz alınması ilə bağlı bəyanatlarında oxşar məqamlar çoxdur:
"Onların hər ikisi "Qazprom"u daha yaxşı variant kimi göstərməyə çalışırlar. Bu isə əslində həqiqət deyil. "Qazprom" Kremlin iqtisadi yox, siyasi silahıdır. O heç vaxt azad olmayacaq. "Qazprom"un Gürcüstana daxil olması, Tiflisin Rusiyadan asılılığının artması deməkdir. Doğrudur, ruslar qazı ucuz satacaqlar, amma ölkənin enerji azadlığı üçün də təhlükə yaratmış olacaqlar. Yəni risk xeyirdən daha çoxdur".
Qeyd edək ki, Gürcüstan hakimiyyəti bir müddət öncə "Qazprom"dan qaz almaqla bağlı gizli danışıqlara başlayıb. Tiflislə bərabər qondarma Cənubi Osetiyada "Qazprom"dan qaz almaq istədiyini bəyan edib.
Tarix
2015.11.05 / 16:32
|
Müəllif
İlkin Həsənov
|