İngiltərədə rəsmi səfərdə olan Misir Prezidenti Əbdülfəttah Sisi Baş nazir Devid Kemeronla görüşüb.

Axar.az xəbər verir ki, görüş zamanı Misir hökumətinin İŞİD və digər terrorçu qruplara qarşı mübarizə yolları, o cümlədən iki ölkə arasındakı turizm və ticarət əlaqələri müzakirə olunacaq.

Qeyd edək ki, İngiltərədə Mühafizəkarlar Partiyasının millət vəkilləri terrorla mübarizədə Misirlə əməkdaşlığın qaçılmaz olduğunu bildiriblər.

Onu da əlavə edək ki, Sisinin İngiltərəyə səfəri insan haqları təşkilatları tərəfindən ciddi etirazlarla qarşılanıb. Minlərlə insan İngiltərədə baş nazirin olduğu binanı mühasirəyə alıblar.