Fransa Suriya konfliktinin həllində Rusiyadan nümunə götürməlidir.

Axar.az xəbər verir ki, bunu Fransanın radikal sağçı Milli Cəbhə Partiyasının lideri Marin Le Pen LCP televiziyasına müsahibəsində söyləyib. Onun sözlərinə görə, Rusiyanın Suriyaya müdaxiləsindən sonra bir sıra ölkələr çətin vəziyyətə düşdülər:

"Bu ölkələr lazımı anda lazımı yerdə olmadılar. Fransa hökuməti də indi məhz belə bir situasiyaya düşüb. Onlar əvvəlcə Rusiyanın Suriyaya girmədiyini, sonra isə Suriyaya aviazərbələr endirdiyini, amma bunu yanlış yerlərə atdığını söylədilər. Rusiyanın mövqeyini tamamilə doğru hesab edirəm".