Ana səhifə Planet |
Suriyada İranın itkiləri hər gün artır.
Axar.az xəbər verir ki, İran İnqilab Keşikçilərinin tərkibində vuruşan general-mayor və bir polkovnik Hələb şəhərində suriyalı müxalifətçilərlə yaşanan qarşıdurma zamanı öldürülüb. Bununla Suriyada öldürülən iranlı komandirlərin sayı 11 olub.
Polkovnik Mustafa İzzətullah Süleymani rəsmi olaraq Suriya ordusunda hərbi müşavir vəzifəsini tuturdu. Bir neçə gün öncə Hələbdə müxaliflər tərəfindən öldürülən Süleymaninin konkret olaraq kim tərəfindən vurulduğu açıqlanmayıb.
İran İnqilab Keşikçilərinin xüsusi təlim keçmiş briqadasında xidmət edən Süleymani Suriyada aparılan bir çox özəl əməliyyatlarda iştirak etmişdi.
Daha biri general-leytenant Rza Havari Suriyanın mərkəzində gedən döyüşlərdə öldürülmüşdü.
Bundan başqa, İran İnqilab Keşikçilərinin daha 9 komandiri ötən ay gedən döyüşlər zamanı öldürülüb. Öldürülən 5 komandirin adı açıqlanmasa da, digərlərinin adları aşağıdakı kimidir: Seyid Səccad Hüseyni, Mustafa Sədrzadə, Seyid Hüseyni, Seyid Milad Mustafavi.
Tarix
2015.11.06 / 09:09
|
Müəllif
Pərviz Həsənov
|