Rusiyaya məxsus A321 tipli sərnişin təyyarəsinin Sinay yarımadasında qəzaya uğramasının səbəbləri hələ də dəqiqləşdirilməyib.

Axar.az xəbər verir ki, bunu Misir Mülki Hava Nəqliyyatının sədri Xəsam Kamal deyib. O bildirib ki, uçuş zamanı təyyarənin arxa hissəsindən gurultu səsləri eşidilib:

"Təyyarə qəzaya uğramazdan 5 dəqiqə əvvəl arxa hissədən partlayış səsi gəlib . Lakin bu partlayışın hansı səbəbdən baş verdiyi məlum deyil. Hazırda bütün ehtimallar araşdırılır".

Xatırladaq ki, oktyabrın 31-də Rusiyanın A321 tipli sərnişin təyyarəsi Misirin Sinay yarımadasında qəzaya uğrayıb. Nəticədə 224 nəfər həlak olub.