Misirin Sinay yarımadasında qəzaya uğrayan Rusiyanın A321 sərnişin təyyarəsini ingilis əsilli terrorçuların vurması haqda məlumat yayılıb.

Axar.az xəbər verir ki, bu iddia ilə İngiltərənin "Teleqraf" qəzeti çıxış edib.

Bildirilib ki, İŞİD-ə qoşulan ingilislər təyyarəni raketlə vuraraq partladıblar. Qəzet bu məlumatı İngiltərə kəşfiyyatının əldə etdiyini yazıb.

Qeyd edək ki, oktyabrın 31-də Misirin Şarm əl-Şeyx şəhərindən Rusiyanın Peterburq şəhərinə uçan A321 sərnişin təyyarəsi Sinay yarımadasında qəzaya uğramışdı. Nəticədə ekipaj heyəti ilə birlikdə 224 nəfər həlak olmuşdu.

Qəzanın dəqiq səbəbləri bəlli deyil.