Suriya Prezidenti Bəşər Əsədi razı salacaq bir nəfər varsa, o da Vladimir Putindir.

Axar.az xəbər verir ki, bunu İngiltərənin Xarici İşlər naziri Filip Hamond deyib.

"Rusiya ilə ortaq məxrəcə gələ bilmədiyimiz məsələ Bəşər Əsədlə bağlıdır. Biz Suriyada axıdılan qanların dayanması üçün Əsədin getməyini istəyirik. Lakin Rusiya buna "yox" deyir. Əsədin bir səhər oyanaraq prezident postundan istefa etməsi çox gözəl olardı" – deyə nazir bildirib.

İŞİD təhlükəsinə toxunan nazir bu terror təşkilatının siyasi yolla məhv ediləcəyini bildirib:

"İŞİD məhv etmək üçün onun məkanı olan Suriyanın şərqini hədəf almalıyıq. Bu səbəbdən bölgədə atəşkəs elan edilməlidir. Müxalif qruplarla bir masa arxasında danışıqlar aparılmalıdır".