Türkiyə siyasi motiv daşıyan ölüm hökmünə qarşıdır.

Axar.az xəbər verir ki, bunu Türkiyə Baş nazirinin müavini Numan Qurtulmuş şiə din xadimi Nimr ən-Nimrin Səudiyyə Ərəbistanı tərəfindən edam edilməsi ilə bağlı verdiyi açıqlamasında deyib.

"Biz bütün ölüm hökmlərinə qarşıyıq. Bizim üçün ölüm hökmünün dəstəklənməsi mümkünsüzdür", - Qurtulmuş bildirib.

Baş nazir müavini vurğulayıb ki, şiə din xadiminin edamı regionda sülhün yaranmasına xidmət etməyəcək:

"Səudiyyə Ərəbistanı və İran bizim dostlarımızdır, onların müharibə etməsini istəmirik".

Qeyd edək ki, Səudiyyə Ərəbistanının şiə alimi Nimr Baqir ən-Nimri edam etməsi Səudiyyə-İran münasibətlərini kəskinləşdirib.