Ana səhifə Planet |
Vətəndaşımız 7 iyunda "Baxın! Sizə xəbərdarlıq edirik" demişdi və biz də bu xəbərdarlığı nəzərə aldıq.
Axar.az xəbər verir ki, bu sözləri Türkiyənin hakim partiyası AKP-nin sədr müavini Məhmət Əli Şahin deyib.
O bildirib ki, Türkiyə vətəndaşları 7 iyun və 1 noyabr seçkilərində doğru qərar veriblər:
"Bİz AKP-yik. AKP imamın ağ yaylığına bənzəyir və ən kiçik ləkə belə nəzərə çarpar. Vətəndaşların xəbərdarlığı hələ də diqqətimizdədir. Səhv edənlər varsa, onların göz yaşlarına aldanmayacağıq", - Şahin vurğulayıb.
Məhmət Əli Şahin onu qeyd edib ki, Türkiyənin cənub-şərq vilayətlərində muxtariyyət qurulmasına icazə verilməyəcək:
"Nə istəyirsiniz? Daxili muxtariyyət? Muxtariyyət nə deməkdir? Yəni bu məhəlləni yaxud bölgəni siz idarə edəcəksiniz və oraya da Türkiyə Cümhuriyyətinin təhlükəsizlik qüvvələri daxil ola bilməyəcək. Sizin də daxili təhlükəsizlik qüvvələriniz olacaq və vergini də özünüz yığacaqsınız. Bütün bunlar o qədər də asan deyil. Qocaman Türkiyə Cümhuriyyəti sənə bunları etməyə icazə verərmi? Bu millət əsla bununla razılaşmaz. Kürddilli vətəndaşlarımız da artıq bunların əsl mahiyyətini öyrənib".
Sədr müavini onu əlavə edib ki, Türkiyə Böyük Millət Məclisində oturan bəzi millət vəkilləri terrora açıq şəkildə dəstək verir və onların da arxasında müəyyən dövlətlər dayanır.
Tarix
2016.01.08 / 19:29
|
Müəllif
Kamran Ədalət
|