Səudiyyə Ərəbistanı İranı sanksiyalarla hədələyib.

Axar.az xəbər verir ki, bu barədə Səudiyyənin Xarici İşlər naziri Adil Cübeyr körfəz ölkələrindən olan həmkarları ilə görüşü zamanı deyib.

"Əgər İran hazırki siyasətindən dönməzsə və regionda qarşıdurmaların artmasına dəstək verərsə, rəsmi Ər-Riyad Tehrana qarşı sanksiyalar tətbiq edə bilər", - Cübeyr bildirib.

Görüş zamanı körfəz ölkələri Səudiyyəni dəstəklədiklərini bildiriblər və Ər-Riyadın İrandakı səfirliyinə edilən hücumu qınayıblar.

Qeyd edək ki, Səudiyyə Ərəbistanı yanvarın 2-də aralarında şiə din alimi Ayətullah Nimr Baqir ən-Nimrin də olduğu 47 nəfəri edam edib. Bundan sonra Tehrandakı Ər-Riyad səfirliyi yandırılıb. Səudiyyə buna cavab olaraq İranla diplomatik əlaqələri kəsib.