ABŞ Prezidenti Barak Obama vitse-prezident Co Baydenə xərçəngdən əziyyət çəkən oğlunun müalicəsi üçün istənilən qədər maliyyə yardımı təklif edibmiş.

Axar.az xəbər verir ki, Co Bayden bu haqda CNN telekanalına müsahibəsində bildirib.

Bayden xatırladıb ki, bir gün nahar zamanı o, oğlunun müalicəsi üçün evini satacağını prezidentə deyib. Obama isə bununla razılaşmayıb.

"Mən Obamaya dedim ki, xanımım Cill ilə çıxış yolu tapmışıq. Evimizi satacağıq. Barak Obama bunu eşidəndə qalxıb dedi: "Bu evi satmayın. Mən sizə pul verə bilərəm. Nə qədər lazımdırsa, verə bilərəm. Söz ver ki, evi satmayacaqsan, Co".

Co Bayden Obamaya təklifinə görə təşəkkür etdiyini və bunu heç vaxt unutmayacağını bildirib.

Xatırladaq ki, Co Baydenin oğlu Bo Bayden 2015-ci ilin mayında 46 yaşında xərçəng xəstəliyindən vəfat edib.