Ana səhifə Planet |
Rusiya Baş Kəşfiyyat İdarəsinin rəhbəri vəzifəsinə keçmiş sədr İqor Serqunun müavinlərindən biri təyin edilə bilər.
Axar.az xəbər verir ki, bu barədə informasiyanı "Kommersant" qəzeti yayıb. Qəzet bu təşkilatın qapalı qurum olduğuna görə Serqunun müavinləri haqqında ictimaiyyətə çox az informasiyanın verildiyini bildirib:
"Hazırkı situasiyada ən real namizəd kimi general İqor Korobovun adı çəkilir. Namizədlər sırasında general İqor Lelinin də adı var. QRU-da hesab edirlər ki, təşkilatın rəhbərliyinə digər güc strukturları, xüsusilə, Federal Təhlükəsizlik Xidmətindən (FSB) heç kimi gətirilməməlidir".
Qeyd edək ki, QRU-nun keçmiş rəhbəri İqor Serqun bu yanvarın əvvəllərində ürək çatışmazlığından vəfat edib. Rəsmi mənbələr onun Moskvada öldüyünü bildiriblər. "Stratfor" təşkilatı isə bununla razılaşmayaraq, Serqunun Livanda vəfat etdiyini yazıb.
Tarix
2016.01.13 / 12:26
|
Müəllif
İlkin Həsənov
|