Ana səhifə Planet |
Qamışlı vilayətində yerləşdirilən rus əsgərləri NATO üzvü olan Türkiyə üçün təhlükə ola bilməz.
Axar.az xəbər verir ki, bu sözləri Türkiyə Baş nazirinin müavini Toğrul Türkeş Türkiyə Böyük Millət Məclisində çıxışı zamanı deyib.
O, müxalifətdən olan bəzi millət vəkillərinin Suriya ilə bağlı açıqlamalarını kəskin tənqid edib:
"Suriya beynəlxalq qaydalara görə suveren, lakin problemli ölkədir. Suriya rejimindən başqa orada olanların hamısı fərqli qruplaşmalardır. Terror qruplarının yaxşı, yaxud pis tərəfi ola bilməz. Terrorçu elə terrorçudur. "Mənim terrorçum digər terrorçu ilə mübarizə aparır. Buna görə də mənim terrorçum yaxşıdır"- kimi ifadələr Türkiyə Böyük Millət Məclisində işlədilməməlidir. Rusiyanın da Suriyada nə etdiyini bilirik. Qamışlıda yerləşdirilən rus əsgərləri Türkiyə üçün təhlükə ola bilməz".
Tarix
2016.01.21 / 20:46
|
Müəllif
Kamran Ədalət
|