Tacikistanda hökumət radikallarla mübarizə adı altında 13 min kişinin saqqalını zorla kəsib.

Axar.az xəbər verir ki, Tacikistan rəsmi xəbər agentliyinin məlumatına görə, ölkənin xarici təsirlərdən qorunması tədbirləri çərçivəsində son həftələrdə 13 min kişinin saqqalının "çox uzun" olduğu əsas gətirilərək təraş edilib.

Əməliyyat zamanı tacik polisi 1700 qadını hicablarını çıxarmağa razı salıb, qara çarşaba bürünən 89 qadın fahişəlikdə ittiham edilərək həbs edilib. Qara çarşab satan 169 mağaza isə bağlanıb.

Xatırladaq ki, Tacikistan parlamenti ötən həftə yeni doğulan uşaqlara ərəb adı verilməsini qadağan edib. Əhalisinin əksəriyyəti müsəlman olan ölkədə ötən ilin sentyabrında yeganə islam partiyasının fəaliyyəti də yasaqlanıb.