Moldovada baş tutacaq erkən parlament seçkiləri ölkə üçün fəlakətə çevriləcək.

Axar.az xəbər verir ki, bunu jurnalistlərə açıqlamasında Moldovanın Baş naziri Pavel Filip söyləyib. Onun sözlərinə görə, məhz bu, ölkənin indiki iqtisadi vəziyyətini məhv edə bilər:

"Bunun anlamı səfalət deməkdir. Bu ssenarini heç təsvir belə etmək istəmirəm".

Qeyd edək ki, Moldovada hökumətlə müxalifətin münasibətləri pisləşib. Yeni hökumətin təyinatından narazı olan müxalif partiyalar kütləvi mitinqlərə başlayıblar. Artıq aksiya iştirakçıları ölkə parlamentinin binasını mühasirəyə alıblar. Mitinqin əsas təşkilatçıları rusiyayönlü Sosialistlər Partiyası, Bizim Partiya, Ləyaqət və Ədalət Vətəndaş Platformasıdır.