Ana səhifə Planet |
Suriya ilə bağlı sülh müzakirələrinin uğurlu olacağına inanıram.
Axar.az xəbər verir ki, bu sözləri ABŞ Dövlət katibi Con Kerri Fars körfəzi ölkələrinin xarici işlər nazirlərinin toplantısından sonra təşkil edilən mətbuat konfrasında deyib.
O, BMT-nin Suriya üzrə xüsusi nümayəndəsi Stefan de Misturanın iqtidar və müxalifət nümayəndələrini görüşdürəcəyinə inandığını söyləyib:
"Suriya görüşləri ilə bağlı dəqiq tarix verə bilmərəm. Lakin görüşlərdən sonra mütləq başlıca dövlətlər müzakirələr aparmalıdırlar. Suriyada keçid hökumətinin yaradılması bağlı hələ də problemlər var. Bunun çətin olduğunu bilirik. Əks halda görüşlər çoxdan baş tutardı və müəyyən nəticə əldə olunardı".
Qeyd edək ki, İsveçrənin Cenevrə şəhərində suriyalı tərəflər arasında görüşlərin baş tutacağı gözlənilir.
Lakin görüşdə iştirak edəcək suriyalı müxalifət nümayəndələri hələ də müəyyənləşməyib.
Tarix
2016.01.23 / 20:37
|
Müəllif
Kamran Ədalət
|