Ana səhifə Planet |
Rusiya əməliyyatların başladığı 30 sentyabr 2015-ci ildən bu yana Suriyada 109 hərbçisini itirib.
Axar.az xəbər verir ki, bu barədə "Anadolu Agentliyi" Suriya rejiminə yaxın mənbələrinə istinadən məlumat yayıb.
Məlumata görə, rus hərbçilər tək hava yox, quru əməliyyatlarına da qatılır. Suriya ordusunun müxaliflərə qarşı əməliyyatlarına ruslar rəhbərlik edir. Rusiyanın xüsusi təyinatlıları isə bəzi hallarda qaynar döyüşlərə belə girir.
109 hərbçinin bir qisminin döyüşlərdə, bəzilərinin isə hərbçiləri daşıyan helikopterlərin vurulması zamanı öldüyü bildirilib.
Rusiya Prezidenti Vladimir Putin tərəfindən 2015-ci ilin mayında imzalanan fərmana görə, sülh dövründə həyatını itirən hərbçilərin ölümü dövlət sirri kimi qəbul olunur və ictimaiyyətə açıqlanmır.
Qeyd edək ki, Rusiya ötən il sentyabrın 30-dan bu yana Suriyada əməliyyatlara qoşulub.
Tarix
2016.01.29 / 21:18
|
Müəllif
İlham Sahiloğlu
|