Türkiyə rəsmilərinin xəbərdarlıqlarına baxmayaraq, rus qırıcıları yenə də bu ölkənin hava sərhədini pozur. Rusiya məsuliyyətli davranmalı və NATO-nun hava məkanına hörmət etməlidir.

Axar.az xəbər verir ki, bu sözləri NATO-nun Baş katibi Yens Stoltenberq deyib.

"Daha əvvəl baş verən hadisələr belə davranışın nə qədər təhlükəli olduğunu göstərir. Rusiya bu cür hadisələrin təkrarlanmaması üçün ciddi tədbirlər görməlidir. Rəsmi Ankara ilə Moskva arasındakı birbaşa dialoqu məmuniyyətlə qarşılayır və gərginliyin azadılması üçün çağırış edirik. Türkiyənin yanındayıq və bu ölkənin ərazi bütövlüyünü tam dəstəkləyirik. NATO Türkiyənin hava sərhədlərini daha da gücləndirəcək və AVACS tipli kəşfiyyat təyyarələri göndərəcək", - Stoltenberq vurğulayıb.