Ana səhifə Kult Rəsm |
Avqustun 25-dən etibarən hər gün saat 09:00-dan 18:00-dək Dənizkənarı Milli Parkın ərazisində (Saat Qülləsinin yaxınlığında) və İçərişəhərdə yerləşən “Arts Council” incəsənət platformasında “Öz əsərini yarat” adlı tədbir keçiriləcək.
Mədəniyyət və Turizm Nazirliyindən Kult.az-a verilən məlumata görə, aksiya xarekteri daşıyan tədbir Bakı şəhər sakinlərinin və şəhərimizin qonaqlarının rəssamlıq sənətinə marağının artırılması, gəzintiyə çıxan insanlara öz yaradıcılıq qabiliyyətlərini nümayiş etdirmək üçün imkan yaradılması, həmçinin ölkəmizə səfər edən xarici turistlərdə maraq oyatmaq məqsədi ilə həyata keçirilir.
Tədbirin yekununda aksiyada böyük maraq doğuran, münsiflər heyəti tərəfindən seçilən rəsmlərdən ibarət sərgi keçirilməsi nəzərdə tutulur.
Qeyd edək ki, tədbir Azərbaycan Dövlət Rəsm Qalereyasının, Mədəniyyət və Turizm Nazirliyinin təşkilatçılığı və Dənizkənarı Bulvar İdarəsinin təşkilati dəstəyi ilə keçirilir.
Tarix
2017.08.21 / 17:52
|
Müəllif
Nərmin Əkbərli
|