Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
13 Dekabr 2018


Görmə problemi ilə üzləşən məşhur rəssamlar...

Ana səhifə Kult Rəsm
12 Punto 14 Punto 16 Punto 18 Punto

Dünya təsviri incəsənətində yeni cığırlar açan bəzi məşhur rəssamlar görmə pozğunluğu ilə üzləşib. Məsələn, Vinsent Van Qoqun kölgəli işıqları, Pablo Pikassonun əyri simaları, Klod Monenin dumanlı tabloları onların gözlərindəki xəstəliklərlə əlaqələndirilir.

Kult.az xəbər verir ki, amerikalı oftalmoloqların son dövrlərdə apardıqları araşdırmalar bunu deməyə əsas verir.

Klod Mone və Van Qoq kataraktadan, Pablo Pikasso isə miqrendən əziyyət çəkib. Katarakta xəstəliyi adətən görmə qabiliyyətini ya kəskin azaldır, ya da bulanıq effekt yaradır. Klod Mone sağlığında rəngləri ayırmaqda çətinlik çəkdiyindən və rəsmlərin get-gedə daha qaranlıq olduğundan gileylənirmiş. Hətta rəngləri aydın görmədiyi üçün onlardan qutuların üzərinə yazılmış adlara uyğun istifadə edirmiş. On il kataraktadan əziyyət çəkən rəssam, nəhayət ki, 1923-cü ildə göz əməliyyatı keçirib. Bundan sonra onun tabloları yenə əvvəlki rəsmlərə bənzəməyə başlayıb.

Van Qoqun bəzi tablolarını diqqətlə nəzərdən keçirdikdə getdikcə mavi rəngin azalması və sarı rəngin çoxalması müşahidə olunur. İşıq nöqtələrinin ətrafı isə qəribə dalğavari xətlərlə əhatələnir. Bu cür görmə halları yaşla əlaqədar yaranan katarakta xəstələrində də var.

Maraqlı məqamlardan biri də Pikasso ilə bağlıdır. Miqrendən əziyyət çəkən rəssam xəstəliyin tutması zamanı görmə anormallıqlarının artmasından əziyyət çəkirmiş. Hollandiyalı mütəxəssis Maykl Ferrari Pikassonun qadınların üzünü xəyali kəsiklər, axan və sürüşən formada təsvir etməsini məhz miqrenin əlaməti kimi dəyərləndirir. Məşhur rəssamın başqa əsərləri ilə miqren zamanı çəkdiyi rəsm nümunələrini müqayisə edərkən bir çox oxşarlıqlar onun bu qənaətini təsdiqləyib.

Beləliklə, görmə qüsurları Pikasso, Van Qoq və Moneyə nəinki mane olub, əksinə onların yaradıcılığına həm də fərqlilik gətirib.

Tarix
2018.10.12 / 01:49
Müəllif
Kult.az
Şərhlər
Загрузка...
Digər xəbərlər

Leyla Əliyeva sərgi yarmarkasının açılışında - Foto

Azərbaycanlı əfsanə 90 yaşında - Video

Azərbaycanlı aktrisa uçurumdan yıxılacaqdı – Foto

İlham Əliyevdən Salahova məktub...

Şahzadəyə məxsus 450 milyonluq tablo yoxa çıxdı - Foto

Pikassonun oğurlanmış rəsm əsəri tapıldı - Foto

İnanılmaz: İsanın elə bir portreti tapıldı ki... – Foto

“Dostluğun sehri”nin qalibləri mükafatlandırıldı - Foto

Günay Türkiyədə master-klass keçdi

Türk rəssamın Həbibə qələbə hədiyyəsi - Foto

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla