Ana səhifə Kult Rəsm |
Bolqarıstanın paytaxtı Sofiyada “Nağıl dünyası” rəsm atelyesinin müxtəlif ölkələrdə keçirilmiş müsabiqələrdə qalib gəlmiş gənc rəssamlarının mükafatlandırılması mərasimi baş tutub.
Kult.az xəbər verir ki, mərasimdə Azərbaycan və Çexiyanın Bolqarıstandakı səfirləri iştirak edib. Tədbirdə çıxış edən səfirimiz Nərgiz Qurbanova bütün qalibləri, xüsusilə 2017-ci ildə Bakıda keçirilən “Dostluğun sehri” II Beynəlxalq Uşaq Rəsm Müsabiqəsinin qaliblərini təbrik edərək, gənc istedadlara yeni yaradıcılıq nailiyyətləri arzulayıb.
N.Qurbanova tədbir iştirakçılarına Bolqarıstanın Sozopol şəhərində keçirilmiş “Soleil” 8-ci Beynəlxalq Frankofoniya Festivalı çərçivəsində baş tutmuş plenerdə azərbaycanlı rəssamlar Bəhruz Kəngərli və Bəhram Xəlilovun iştirak etməsi barədə məlumat verib.
Mərasim çərçivəsində qaliblərin əsərlərindən ibarət sərgidə 5-16 yaş arası uşaqların 70-ə yaxın əsəri nümayiş olunub.
Sonda səfir “Dostluğun sehri” I Beynəlxalq Uşaq Rəsm müsabiqəsinin qaliblərinə diplom və medalları təqdim edib.
Tarix
2018.11.06 / 17:10
|
Müəllif
Büllurə Yunus
|