Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
28 May 2018


Əsgəri öldürən həkim həbs olundu

Ana səhifə Sağlıq
12 Punto 14 Punto 16 Punto 18 Punto

Birinci məhkəmə instansiyasının onun barəsində tətbiq etdiyi şərti cəza ləğv olunub

Bakı Apellyasiya Məhkəməsində Azərbaycan Silahlı Qüvvələri Baş Klinik Hospitalının həkimi, tibb xidməti polkovnik-leytenantı Vasif Adıgözəlovun cinayət işi üzrə məhkəmə prosesi başa çatıb. "APA"nın məlumatına görə, prosesdə qərar elan olunub. Qərara əsasən, hökm dəyişdirilib. Cinayət Məcəlləsinin 70-ci maddəsinin tətbiqi hökmdən xaric edilib. V.Adıgözəlov məhkəmə zalında həbs edilib.
Qeyd edək ki, 2011-ci il sentyabrın 29-da vəfat edən əsgər Eldar Novruzovun valideynləri KİV-ə açıqlamalarında övladlarına həkim Vasif Adıgözəlov tərəfindən səhv diaqnoz qoyulduğu üçün vəfat etdiyini bildirmişdilər. Bundan sonra Respublika Hərbi Prokurorluğunda əsgərin ölümü ilə bağlı araşdırmalara başlanılıb. Lakin V.Adıgözəlov həmin ittihamları qəbul etməyib.
V.Adıgözəlov Bakı Hərbi Məhkəməsinin hökmü ilə 3 il 6 ay müddətinə azadlıqdan məhrum edilib. Cinayət Məcəlləsinin 70-ci maddəsi (cəzanın şərti hesab olunması) tətbiq olunmaqla, ona verilmiş cəza şərti hesab olunub. Bundan başqa, məhkəmə onun 500 manat məbləğində cərimə olunması barədə də qərar qəbul edib. Hökmdən narazı qalan Eldar Novruzovun ailəsi apellyasiya şikayəti verərək, V. Adıgözəlovun cəzasının ağırlaşdırılmasını istəyiblər.
Sumqayıt Hərbi Komissarlığından hərbi xidmətə çağırılan 1992-ci il təvəllüdlü Eldar Novruzov Mingəçevirdə "N" saylı hərbi hissədə xidmət edib. Burnunda aparılan əməliyyatdan sonra vəziyyəti ağırlaşan E. Novruzov sentyabrın 29-da Gülhanə Tibb Akademiyasına aparılarkən yolda dünyasını dəyişib.
V.Adıgözəlov Cinayət Məcəlləsinin 313-cü (vəzifə saxtakarlığı), 341.1-ci (rəisin və ya vəzifəli şəxsin hakimiyyətdən və ya öz qulluq mövqeyindən sui-istifadə etməsi) və 342.2-ci (qulluğa səhlənkar yanaşma) maddələri ilə ittiham edilib.
Tarix
2013.11.06 / 11:42
Müəllif
Axar.az
Şərhlər
Загрузка...
Digər xəbərlər

Xərçəngə səbəb olan ən təhlükəli qidalar - Siyahı

Zob xəstəliyinin yaranma səbəbi: niyə yayılır?

Həddən artıq təmiz uşaqları gözləyən təhlükə: xərçəng...

Bu klinikanın da adı dəyişdirildi, daha biri isə...

Dişləri möhkəmləndirməyin yolları

İftarda bunları əsla etməyin!

Ürəyi cavanlaşdırmağın asan yolu

Kərə yağları ziyanlıdırmı? - Mütəxəssis açıqladı

Bakıda klinika türk həkimləri işə götürdü və adını dəyişdi

Tibb Universitetinin tələbələrinə - Şad xəbər

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla