Avropa Qida Təhlükəsizliyi (EFSA) qurumunun son sənədində “Nutella” şokoladı ilə bağlı önəmli iddialar yer alıb.

Axar.az xəbər verir ki, sənəddə “Nutella” şokoladının tərkibində olan palma yağının digər yağlarla müqayisədə daha çox kanserogen olduğu bildirilib.

Sənəd Dünya Sağlıq Təşkilatının palma yağı haqda fikirlərini də dəstəkləyir. Bu məlumatların dərcindən sonra “Nutella”nın səhmi 3 faiz azalıb. İstehsalçı şirkət olan “Ferrero” televiziyada keçirdiyi reklam kampaniyasında palma yağı qatılmayan şokoladlı-fındıqlı “Nutella” pastasının o qədər də dadlı olmayacağı əsaslandırılıb.

Reklamda palma yağının təhlükə yaratmayacaq şəkildə istifadə edildiyi irəli sürülüb.

Qeyd edək ki, İtaliyada bəzi marketlərin rəflərindən “Nutella” şokaladları yığışdırılıb.