Ana səhifə Sağlıq |
Qızmar havada işləyən insanlar öz səhhətlərinə xüsusi diqqət yetirməlidirlər.
Bu sözləri Axar.az-a Səhiyyə Nazirliyi mətbuat xidmətinin əməkdaşı Səfayə Əhmədova günvurmadan qorunmaq üçün nələr etmək lazım olduğunu izah edərkən deyib.
O bildirib ki, açıq havaya çıxmağa məcbur olmayan insanlar, əsasən də xəstə, uşaq və yaşlılar kölgədə dayanmalıdırlar: "Günəşli havaya çıxdıqda su, gündən qoruyucu örtük və çətir götürməlidirlər. Günəş altında işləməyə məcbur insanlar isə belə havada tez-tez kölgədə istirahət etməli, çoxlu su içməli, gündən qorunmaq üçün baş örtüklərindən istifadə etməlidirlər. Halının pisləşdiyini, baş ağrısı, baş gicəllənməsi hiss etdikdə isə tez həkimə müraciət etmək gərəkdir.
Yanınızda birinin günvurmadan narahat olduğunu gördükdə onu kölgəyə çəkmək və ilkin yardım göstərmək lazımdır. Halı pisləşən insanın huşu yerindədirsə, ona su içirməli, suyu üzünə, əlinə və boynuna çəkməli, bədən tempraturunu aşağı salmalısız. Eyni zamanda həkim çağırılmalıdır”.
Qeyd edək ki, iyul ayı başlayandan 15 nəfər günvurma səbəbindən həkimə müraciət edib.
Tarix
2017.07.06 / 08:15
|
Müəllif
Nübar Lətifli
|