Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 Yanvar 2018


Ölkədə uşaqlar arasında yeni virus yayılıb – Xəbərdarlıq

Ana səhifə Sağlıq
12 Punto 14 Punto 16 Punto 18 Punto

Ölkədə uşaqlar arasında suçiçəyi xəstəliyinə bənzəyən koksaki virusu yayılıb.

Bu barədə Axar.az-a açıqlama verən pediatr Altay Abdullaoğlu bildirib ki, koksaki virusu əsasən uşaqlarda olsa da, böyüklərdə də rast gəlinən virus mənşəli infeksiyadır.

Həkim xəstəliyin ilkin olaraq qrip kimi başladığını deyib:

“Əvvəlcə qızdırma, burun axıntısı, boğazda ağrı, halsızlıq yaranır və növbəti mərhələdə bədənin müxtəlif yerlərində səpgilər əmələ gəlir. Səpgilər əsasən ağızda, əldə, ayaqda və bədənin digər yerlərində yaranır. Səpgilərinə görə suçiçəyinə bənzəyən bu virus əslində suçiçəyi deyil. Valideynlər adətən bunu suçiçəyi ilə səhv salırlar. Bir qədər diqqətli olmaq lazımdır”.

Pediatr virusun keçici olduğunu, əsasən tənəffüs yolu və yaxın təmas vasitəsilə ötürüldüyünü bildirib:

“Valideynlər körpələrdə yaranan səpgilərə görə narahat olduqları üçün çox sayda dərman vasitələrindən istifadə edirlər. Amma hər zaman qeyd etdiyimiz kimi virus infeksiyalarının köklü müalicəsi yoxdur. Virus infeksiyası diaqnozu qoyulan xəstəlik üçün heç bir antibiotik istifadə edilməməlidir. Bu xəstəlik adətən öz-özünə, heç bir müdaxilə olmadan 7-10 gün ərzində keçir. Lakin hər bir xəstəlikdə olduğu kimi bu virusda da ağırlaşmalar ola bilər. Hətta belə bir halda da qətiyyən antibiotik istifadə edilməməlidir”.

Həkimin sözlərinə görə, koksaki virusu üçün yalnız simptomatik müalicə aparıla bilər:

“Yəni temperaturu yüksəkdirsə, bunu aradan qaldırmaq üçün dərman verilməlidir. Halsızdırsa, dincəlməlidir. Ən mühüm məsələ olaraq çoxlu maye qəbul edilməlidir”.

Tarix
2017.11.16 / 01:09
Müəllif
Nigar İxtiyarqızı
Şərhlər
loading...
Digər xəbərlər

24 nəfərə telesəhiyyə vasitəsilə məsləhət verildi - Hesabat

Valideynlərə xəbərdarlıq: Bu epidemiya sürətlə yayılır - Video

Gömrükdə qanunsuz dərmanlar aşkarlandı

Çox çay içmək nə üçün ziyanlıdır?

Tədqiqat: anesteziya beyini şikəst edə bilər

Hamiləlikdə bu xəstəliyə tutulmaq qorxuludur - Həkim

Qızılca epidemiyası: Azərbaycan hansı tədbirləri görür?

Burnuna görə intihar edənlər var – Cərrah

Əsnəmək hansı xəstəliyin əlaməti ola bilər?

Üzü cavan saxlamağın ucuz və təhlükəsiz yolu

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla