Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 May 2018


Həkimin öldürdüyü qızın dəfni niyə gecikdi?

Ana səhifə Sağlıq
12 Punto 14 Punto 16 Punto 18 Punto

"Grand Hospital”da həkim səhlənkarlığı və məsuliyyətsizliyi ucbatından komaya düşən və 5 gün sonra dünyasını dəyişən 20 yaşlı Ayşən Mirzəyevanın meyiti prokurorluq tərəfindən ailəsinə təhvil verilib. Mərhum artıq dəfn edilib.

Bu barədə Axar.az-a həkim səhlənkarlığının qurbanı olan A.Mirzəyevanın qardaşı məlumat verib. O bildirib ki, prokurorluqdan meyitin ekspertizası üçün dəfnin gecikdirilməsi xahişinə əməl ediblər və ekspertizadan sonra dəfn gerçəkləşib.

O, həmçinin, bacısının 5 dəfə əməliyyat olunduğunu da xatırladıb:

“İki dəfə İranda, iki dəfə də bizim ölkədə əməliyyat olunub. Bu, sayca 5-ci əməliyyat idi. Həkim bizə bildirmişdi ki, bu fərqli metoddur. Bizə riskli olduğunu deməmişdi. Bizinci anjuda damar müəyyən olunmuşdu, həmin damarı bağlamalı idi. Bağlayan zaman həmin maddə ki var, o beyinə gedib. Bu da komaya düşməsinə və ölümə səbəb olub”.

Mərhum A.Mirzəyevanın qardaşı bildirib ki, ölümə səbəb olan həkim invaziv radioloq İlqar Hüseynov bu əməliyyatı bundan öncə ayaqda və başqa orqanlarda aparıb. Gözdə isə belə əməliyyatı ilk dəfə edirmiş:

“Problem gözdə olduğu üçün bacımı göz həkimləri əməliyyat edirdi. “Grand Hospital”da isə bizə fərqli metod dedilər. Razılaşdıq. Sonra məlum oldu ki, bunun gözlə əlaqəsi yoxdur. Damar həkimi tapmaq lazım idi, bizə də bu həkimi məsləhət gördülər. Həkim bizə əvvəlcə bildirdi ki, bir neçə dəfə belə əməliyyatlar həyata keçirib. Sonradan bizə məlum oldu ki, o həkim bu əməliyyatı gözaltında deyil, ayaqda və başqa orqanlarda aparıb. Gözdə isə ilk dəfəymiş bu cür əməliyyat aparırmış, nəticə də belə olub”.

"Grand Hospital” xəstəxanasından isə ölümə səbəb olan və qaçdığı deyilən həkim İlqar Hüseynov haqqında bildirilib ki, o, heç yerə qaçmayıb, işinin başındadır.

Xatırladaq ki, noyabr ayının 30-da "Grand Hospital"da damarın hemangioması diaqnozu ilə əməliyyata alınan və 5 gün komada qaldıqdan sonra dünyasını dəyişən Ayşən Mirzəyevanın ölüm faktı ilə bağlı rayon prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanıb.

Tarix
2017.12.07 / 14:28
Müəllif
Nigar İxtiyarqızı
Şərhlər
Загрузка...
Digər xəbərlər

Bağırsaq xərçəngindən qorunmaq üçün bunları edin!

Pediatrdan məsləhət: Uşaqları təmiz saxlamayın

Nazir məşhur həkimi niyə işdən çıxartdı?

Bu dərmanlar ürəktutmasına və insulta səbəb olur

Ebola iri şəhərlərə yayıldı – ÜST təcili toplanır

Azərbaycanda bu virusa yoluxanların sayı açıqlandı

Zəkalı olmağa yardım edən inanılmaz üsul

Tibb qiymətləri niyə əcnəbiyə də, bizə də eynidir? – Rəsmi

Qocalmanı tezləşdirən qidalar

Damar daralmasının qarşısını alan qidalar

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla