Hər hansı bir sağlamlıq problemi ilə üzləşmiş pasiyenti həkim ilk olaraq laborator analiz və müəyyən tibbi müayinələrə yönəldir. Bunların sırasında kifayət qədər aqressiv və bahalı prosedurlar çoxdur.

Təbabətin “Zərər vurma!” prinsipinə riayət edib, həm də pasiyenti çoxsaylı maddi, fiziki və mənəvi üzüntülərdən qorumaq üçün Bioloji təbabətdə tətbiq edilən qanın qaranlıqsahəli mikroskopiyası (QSM) müayinəsindən istifadə etmək məqsədəuyğundur. Qulaq məməciyindən götürülmüş bir damla qanın müayinəsi qanın kəmiyyət deyil, keyfiyyət baxımından qiymətləndirilməsidir. Texniki baxımdan çox sadə və bahalı olmayan müayinə vasitəsilə insanın sinir, immun və endokrin sistemində baş verən qeyri-spesifik dəyişikliklər aşkarlanır və gələcək taktikanın müəyyənləşdirilməsinə imkan verir, yəni həkimin hansı istiqamətdə müayinə aparması dəqiqləşir. Həmçinin, bu müayinənin köməyilə göstərilən sistemlərdə erkən, yəni xəstəlik vüsət almamış, funksional dəyişiklikləri müəyyən etmək mümkündür; halbuki, müasir təbabətdə mövcud olan invaziv və qeyri-invaziv müayinə üsulları ilə yalnız artıq baş vermiş üzvi dəyişiklikləri üzə çıxarmaq olur:

Damar divarının keçiriciliyinin pozulması (keçiriciliyin yüksəlməsi);

Trombəmələgəlməyə meyilliyin yüksəlməsi; koronar pozulmaların ilkin əlamətləri;

Ödçıxarıcı yolların diskineziyasının erkən diaqnostikası;

Ödün litogenliyinin pozulması;

Daşəmələgəlməyə meyillik.