Ana səhifə Sağlıq |
Son vaxtlar uşaqlar arasında yayılmış soyuqdəymə xəstəlikləri qrip deyil və daha çox uzunmüddətli üzücü, boğucu öskürəklə müşahidə olunur.
Axar.az xəbər verir ki, bu sözləri tanınmış pediatr Vaqif Qarayev qeyd edib. O bildirib ki, həkim məsləhəti olmadan öskürəyə qarşı aptekdən dərman almaq təhlükəlidir:
“Həkim təyinatı olmadan heç vaxt antibiotik almayın. Öskürəyin xarakterinə görə dərmanlar da müxtəlifdir. Peyvəndsiz uşaqların əksəriyyətində adi soyuqdəymə yox, göy öskürək müşahidə olunur. Özbaşına və virtual müalicə zamanı sinusitlər (haymorit, frontit), otit, pnevmoniya (sətəlcəm) kimi ağırlaşmalar baş verir. Ona görə həmin uşaqlar bağçaya və məktəbə getməməlidir. Ev şəraitində müalicə almalıdır.
Əgər uşaqda tənəffüs çətinliyi, yəni təngnəfəslik, tez-tez nəfəsalma, xışıltılı tənəffüs varsa, təcili həkimə müraciət edin. Bu kimi hallarda uşaqlar xəstəxanaya aparılmalıdır. Virtual-telefonla, internetlə təyin olunan dərmanlar kömək eləmirsə, həkimi qınamayın. İsrar edirsiniz, o da yazır. Əslində, düzgün deyil”.
Tarix
2018.01.24 / 01:20
|
Müəllif
Nərmin Əkbərli
|