Yazda mövsümlə bağlı uşaqlar arasında allergik problemlər kəskinləşir, tezləşir.

Axar.az xəbər verir ki, bu sözləri tanınmış pediatr Vaqif Qarayev yaz mövzümündə uşaqlarda müşahidə edilən allergiya ilə bağlı qeyd edib. O bildirib ki, bu aralar allergiyanın müxtəlif formalarından əziyyət çəkən uşaqları pediatr və ya allerqoloqa aparmaq lazımdır:

“Qida allergenləri isə ilin bütün fəsillərində aktuallığını saxlayır. Marketlərdə satılan şirniyyat-kulinariya məmulatlarından uzaq olmaq lazımdır. Məktəb bufetlərindən də az istifadə olunsa yaxşıdır. Bəzi məktəblərdə ilboyu ad günü mərasimləri keçirilir. Orda paylanan tortlardan da allergik reaksiyalar olur. Başqasının uşağını tort yeməyə məcbur etmək yolverilməzdir”.

Həkim qeyd edib ki, məsələnin mənəvi-psixoloji tərəfləri ilə məktəb rəhbərliyi məşğul olmalıdır:

“Uşaqlara məktəblərdə izah olunmalı, başa salınmalıdır. Biz məsələnin tibbi tərəflərini mütəmadi işıqlandırırıq. Əsas odur ki, bu aylar valideynlər gözüaçıq olsun”.