Yaxınların ölümü insan sağlamlığına ən ciddi təsir edən stress-faktorlardan biridir.

Araşdırmalar göstərir ki, belə hadisələrdən sonra bir neçə gün ərzində ürək tutması, infarkn və bunlarla bağlı olan ölüm riski kəskin qalxır.

Sağlamolun.az xəbər verir ki, bu hal üçün hətta xüsusi termin var - "qırılmış qəlb sindromu" və ya "takosubo sindromu". Bu sindrom ürək əzələsinin zədələnməsinə səbəb olur.

Arizona Universiteti (ABŞ) alimləri aşkar ediblər ki, yaxın insanın ölümündən sonra aspirinin qəbulu "qırılmış qəlb" sindromundan ölümün riskini xeyli azaldır.

Aspirin profilaktik dozalarda infarktın riski yüksək olan insanlara təyin olunur ki, bu preparat damarlarda trombların əmələ gəlməsinə mane olur.