Sumqayıtda Ebola həyəcanı yaşanır. Dünyanın vahiməyə salan bu virusun ölkəmizə də gəlməsini qabaqamaq üçün tədbirlər görülür.

Axar.az xəbər verir ki, Səhiyyə Nazirliyindən Sumqayıt şəhər Səhiyyə Şöbəsinə Ebola virusu ilə əlaqədar olaraq nəzarətin gücləndirilməsi əmri daxil olub. Qeyd edilib ki, şəhərə xaricdən gələn vətəndaşlar nəzarətə götürülür, xəstəliyin hansısa əlamətləri hiss olunduqda isə dərhal müayinələr aparılır.

Amma bu virusla bağlı Sumqayıtda narahatlıq doğuracaq heç bir hal hələlik qeydə alınmayıb, müayinələr profilaktik xarakter daşıyır - bu barədə AzərTAc-a Sumqayıt şəhər Səhiyyə Şöbəsindən məlumat verilib.