Qazaxda yayılan dabaq xəstəliyi ciddi narahatlıq yaradıb.

Axar.az xəbər verir ki, bu üzdən iribuynuzlu və xırdabuynuzlu heyvanlarda dabaq xəstəliyinə qarşı profilaktik tədbirlərə başlanılıb. Görüləcək tədbirlər çərçivəsində 31 minə yaxın iribuynuzlu, 141 minə yaxın xırdabuynuzlu heyvan peyvənd ediləcək.

Qeyd edək ki, dabaq baş verdikdə təsərrüfata və ya yaşayış məntəqəsinə karantin qoyulur və müvafiq qaydalara əməl olunmaqla törədicinin bu ərazidən kənara çıxmasına maksimum maneçilik törədilir.

Karantin axırıncı heyvan sağalmasından və ya xəstə heyvanın öldürülməsindən 21 gün keçdikdən sonra götürülə bilər.