Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 İyul 2018


Deputat orqan köçürməsindən danışdı

Ana səhifə Sağlıq
12 Punto 14 Punto 16 Punto 18 Punto

Millət vəkili Qənirə Paşayeva Parlamentin iclasında müvafiq qurumları 15 il bundan əvvəl qəbul edilmiş insan orqan və ya toxumalarının transplantasiyası haqqında qanunun işləməyən önəmli maddələrini qısa zamanda icraya çağırıb.

28 oktyabr 1999-cu ildə parlament tərəfindən qəbul edilən insan orqan və ya toxumalarının transplantasiyası haqqında qanunun bəzi müddəaları bugünədək yerinə yetirilmir və onların həyata keçməsi üçün müvafiq qurumlar təcili tədbirlər görməlidirlər.

Bu barədə millət vəkili Qənirə Paşayeva Parlamentin iclasında deyib.
O bildirib ki, son illər orqan transplantasiyası məsələsi Azərbaycanda genişlənməkdədir: "Qanunun qəbul edilməsinə baxmayaraq, bütün dünyada orqan transplantasiyasında ən vacib məsələ olan meyitdən orqan və ya toxumaların götürülməsinin icra mexanizmləri yoxdur. Bu icra mexanizmlərinin işlənib hazırlanması üçün müvafiq qurumlar təcili tədbirlər görməlidirlər."

Ölkəmizdə orqan və toxumaların transplantasiyası sahəsində son illər uğurlu əməliyyatların həyata keçirildiyini diqqətə çatdıran millət vəkili Qənirə Paşayeva bu sahədə qəbul edilən qanunvericilik aktının bir sıra müddəalarının icrasının vacibliyini vurğulayıb.

Millət vəkili Qənirə Paşayeva bildirib ki, bu gün ölkədə orqan köçürülməsi sadəcə ehtiyacı olan xəstələrə onların yaxınlarından, yəni sağlam insanlardan orqan alınaraq köçürülməsi ilə mümkündür: "Bununla da sağlam insanların həyatı da bir çox hallarda risq altına düşür. Bütün inkişaf etmiş ölkələrdə transplantasiya məqsədilə meyitdən orqan və toxumaların götürülməsi sürətlə inkişaf edirsə, bizdə nə üçün bu məsələ öz həllini tapmasın, axı bizim bununla bağlı 15 ildir qəbul olunan qanunumuz var və mən hesab edirəm ki, bu sahəyə cavabdeh qurumlar qısa zamanda qanununun maddələrini yerinə yetirməlidirlər. Mən parlamentimizi bu qanunun tam yerinə yetirilməsinə ciddi nəzarət etməyə çağıram".

Millət vəkili bildirib ki, orqan transplantasiyasının qarşısındakı ən böyük problemlərdən biri orqan bağışı ilə bağlı qanunda öz əksini tapan müddəaların icra mexanizmlərinin işlənib hazırlanmaması və bu prosedurun həyata keçirilməsi mexanizmlərinin olmamasıdır. Millət vəkili Qənirə Paşayeva bu sahəyə aidiyyəti olan qurumları qısa zamanda bu mexanizm və prosedurları hazırlamağa və qanunun müvafiq müddəalarının icrasına çağırıb. O bildirib ki, orqan bağışı sistemi transplantologiyanın inkişafında və genişlənməsində ən vacib məsələlərdən biridir və qanunun icrasına, ölkəmizdə bu istiqamətdə əhali arasında geniş maarifləndirmə işlərinin aparılmasına və işlərin sürətləndirilməsinə ehtiyac var (Publika.az).

Tarix
2014.02.03 / 13:30
Müəllif
Axar.az
Şərhlər
Загрузка...
Digər xəbərlər

Qarpızı ilıq yeyin, çünki...

Suda boğulanlara ilk tibbi yardımı necə göstərməliyik?

Dəniz suyu uşaqlarda bu xəstəlikləri yaradır - Təhlükə

Piy əridən 5 məhsulun adı açıqlandı

Qırışlara qarşı təbii maskalar...

Azərbaycanda insanlar ən çox hansı səbəbdən ölür?

Bu gözəl balanın köməyinizə ehtiyacı var - Foto

İsti havada soyuq su içmək ona görə ziyandır ki...

Diqqət! Dənizdə bu xəstəliklərə yoluxa bilərsiniz

Tibb ixtisası üzrə plan yerinin kəskin azalması... – Ekspert

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla