Ana səhifə Kult Sinema |
Bizdə Hollivud filmləri, Avropadan gələn bir çox filmlər nümayiş olunur, heç birində də problem olmur.
Bu sözləri Nizami Kino Mərkəzinin mətbuat xidmətinin rəhbəri Arzu Fərhadova rejissor Samir Kərimoğlunun kinoteatr haqda səsləndirdiyi fikirlər haqda Kult.az-a danışarkən deyib. O, problemin kinoteatrdan qaynaqlanmadığını bildirib:
“Demirəm problem filmdədir, amma yəqin ki, onların filmi ilə bizim texnikanın arasında uyğunsuzluq yaşanıb. Bizim texnikamız çox yaxşı işləyir. Bunu hamı bilir. Ümumiyyətlə, filmdəki Baba obrazı bir az sakit ritmlə və qarışıq danışırdı. Bəlkə də ona görə elə bir şey olub. Bir də ki, filmi izləyib gedən hər kəs çox məmnun görünürdü. Heç kimin də şikayəti yox idi. İndi rejissor nə üçün belə bir şey deyib, bilmirəm”.
Xatırladaq ki, “Mahmud Baba” filminin rejissoru Samir Kərimoğlu Nizami Kino Mərkəzinin texniki problemlərinə görə filminin təqdimatının istədiyi səviyyədə keçmədiyini və bir daha orada təqdimat etməyəcəyini bildirmişdi.
Tarix
2017.01.31 / 18:12
|
Müəllif
Dilarə Zamanova
|