Ana səhifə Kult Sinema |
Bu gün Azərbaycanda Milli Kino Günüdür.
Kult.az xatırladır ki, Azərbaycan kino sənətinin tarixi 1898-ci il iyunun 21-dən başlayır. 1915-ci ildə çəkilişinə başlanılan İbrahim bəy Musabəyovun “Neft və milyonlar səltənətində” romanı əsasında eyniadlı bədii film ilk filmimiz olub.
1916-cı ildə Bakıda Üzeyir Hacıbəyovun “Arşın mal alan” operettası əsasında isə ilk Azərbaycan kinokomediyası çəkilib. “Səmt küləyi” (1973) filmi Azərbaycan kinosunun tarixində xarici ölkə studiyası ilə birgə yaradılan ilk əsərdir. “Əlaqə” adlı ilk fantastik filmimiz 1989-cu ildə lentə alınıb.
“Atları yəhərləyin”, “İşarəni dənizdən gözləyin”, “Nəsimi”, “Nizami”, “Babək”, “Dədə Qorqud” tarixi mövzulu, “Bir qalanın sirri”, “Sehirli xalat”, “Qərib cinlər diyarında”, “Mən mahnı qoşuram”, “Qaladan tapılan mücrü” isə uşaqlar üçün nəzərdə tutulmuş filmlərimizdəndir.
Qeyd edək ki, Milli Kino Günü ümummilli lider Heydər Əliyevin 18 dekabr 2000-ci il tarixli sərəncamı ilə hər il avqustun 2-də qeyd olunur.
Tarix
2017.08.02 / 14:01
|
Müəllif
Aytac Qədirova
|