Səttar Xanın həyat yoldaşının “Şahnamə” oxuması izləyicinin şüuruna açıq şəkildə hörmətsizlikdir.

Kult.az xəbər verir ki, bu sözləri təbrizli rejissor Qurbanəli Tahirfər İranın 1-ci telekanalında yayımlanan “Səttar Xan” teleserialı haqqında danışarkən deyib.

“Bunun təsvir edilməsi izləyicinin şüuruna qarşı təhqirdir. Məntiqə uyğun olaraq, Səttar Xanın həyat yoldaşı uşaqlarına evində bayatı, Nəbati və Füzulinin şeirlərini oxumalıdır”, - rejissor bildirib.

Qeyd edək ki, İranın 1-ci telekanalında yayımlanmaqda olan “Səttar Xan” teleserialı Azərbaycanın tarixi şəxsiyyəti Səttar Xan haqqında olsa da, sujet xətti güneyli soydaşlarımız tərəfindən birmənalı qarşılanmayıb.