Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Avqust 2018


Kino ilə bağlı konseptual proqram hazırlandı

Ana səhifə Kult Sinema
12 Punto 14 Punto 16 Punto 18 Punto

18:36

Avqustun 2-də Nizami Kino Mərkəzində Milli Kino Günü və Azərbaycan kinosunun yaranmasının 120 illiyinə həsr olunmuş təntənəli tədbir keçirilib.

Axar.az xəbər verir ki, mərasimdə il ərzində Azərbaycan kinosu ilə bağlı keçirilmiş tədbirləri, paytaxtda və regionlarda baş tutan film təqdimatlarını, beynəlxalq festivalları, kino günlərini, qala gecələri, yubileyləri, yeni filmlərin çəkiliş proseslərini əks etdirən videoçarx nümayiş olunub.

Tədbirdə çıxış edən mədəniyyət naziri Əbülfəs Qarayev kino işçilərini peşə bayramı münasibətilə təbrik edərək ümummilli lider Heydər Əliyevin qərarına əsasən, bu əlamətdar günün artıq 18 ildir qeyd olunduğunu diqqətə çatdırıb.

Bildirib ki, builki bayram tədbirləri bir sıra özəlliyi ilə yadda qalacaq. Bu il Azərbaycan kinosunun 120 yaşı tamam olur. 1898-ci ilin 2 avqustunda Bakıda çəkilmiş kinosüjetlərin ilk nümayişi keçirilib. Ölkəmizdə kino sənətinin yaranması bu tarixdən götürülüb.

Nazir son illərdə Azərbaycan filmlərinin zirvələri fəth etdiyini söyləyib: “Azərbaycan filmlərinin hansı zirvələri fəth etdiyini, hansı yenilikləri tamaşaçılara təqdim etdiyini rəqəmləri nəzərdən keçirməklə müəyyən etmək olar. Dövlətimizin başçısının müvafiq Sərəncamı ilə “Azərbaycan kinosunun 2008-2018-ci illər üzrə inkişafına dair Dövlət Proqramı”nın təsdiq edilməsindən keçən müddət ərzində Azərbaycanda 46 tammetrajlı bədii, 50 qısametrajlı bədii, 212 sənədli, habelə 23 cizgi filmi çəkilib. Bu gün gənclərimiz Türkiyə, Kanada, Rusiya kimi ölkələrin təhsil müəssisələrində bu sahədə təhsil alırlar. Eyni zamanda, ölkəmiz dünyanın müxtəlif ölkələrində keçirilən film festivallarında iştirak edir. 2014-2017-ci illər ərzində 26 filmimiz 48 ölkədə keçirilən 128 festivalda 219 iştirak edərək 49 mükafat qazanıb.

Azərbaycan kinosu ilə bağlı icra olunan dövlət proqramının müddətinin bu il sona çatdığını söyləyən nazir deyib ki, bu proqramda bəzi bəndlər icra olunmamış qalıb. Ona görə də bu işin məntiqi davamı kimi nazirlikdə kino mütəxəssisləri ilə birlikdə geniş fikir mübadiləsi aparılıb. Onun sözlərinə görə, kino sahəsinin inkişafına dair yeni konseptual proqram hazırlanıb: “Azərbaycan kinosunun yeni şəraitdə fəaliyyətinin təkmilləşdirilməsi, gənc nəslin bu sahəyə cəlb olması, eləcə də beynəlxalq səviyyəyə çıxmaq üçün tutarlı proqram işlənilib. Yəqin ki, hökumətə müraciət edərək Azərbaycan kinosunun növbəti on ildə də inkişaf tempinin azalmaması üçün yeni dövlət proqramının qəbul olunmasına çalışacağıq”,- deyə nazir vurğulayıb.

Nazir əlavə edib ki, bu günlər kino xadimləri üçün əlamətdar hadisələrlə yadda qalıb. Belə ki, ölkə başçısı avqustun 1-də Azərbaycan kinematoqrafiyasının inkişafında xidmətlərinə görə bir qrup kino xadiminə fəxri adların, fərdi təqaüdlərin, orden və medalların verilməsi haqqında Sərəncam imzalayıb. Prezidentin imzaladığı müvafiq sərəncamlarını diqqətə çatdıran nazir bütün bunlara görə kino xadimləri adından ölkə başçısına minnətdarlığını bildirib.

Əlamətdar gün münasibətilə bir qrup kino xadiminə Mədəniyyət Nazirliyinin fəxri fərmanları və pul mükafatı verilib.

Tədbirdə Azərbaycan Respublikası Kinematoqrafçılar İttifaqının sədri, Xalq Artisti Şəfiqə Məmmədova rəhbərlik etdiyi qurum tərəfindən yubileyləri olan kino xadimlərinə, həmçinin veteran sənətkarlara mükafatların verildiyini söyləyib.

Ş.Məmmədova vurğulayıb ki, təqdim edilən mükafatlar 2018-ci ildə yubileyləri qeyd edilən bir neçə kino xadimlərinə də şamil olunub. Belə ki, dörd nəfərə 350 manat, səkkiz nəfərə isə 250 manat pul mükafatı təqdim olunub. O, Azərbaycan kinosuna verdiyi töhfələrə və 75 illik yubileyi münasibətilə Xalq Artisti, professor Oqtay Mirqasımova “Milli kino mükafatı”nı təqdim edib.

Bu il də kino işçilərinin peşə bayramı yeni ekran əsərinin premyerası ilə yadda qalıb.

Mərasimdə rejissor Yavər Rzayevin milli kinomuzun tarixi və keçdiyi zəngin inkişaf yolundan bəhs edən sənədli film nümayiş olunub.

Sonra tanınmış müğənnilərin ifasında Azərbaycan kinoları üçün yazılmış mahnılar səsləndirilib.

Tarix
2018.08.02 / 20:23
Müəllif
Kult.az
Şərhlər
Загрузка...
Digər xəbərlər

Türkiyənin bu filmi “Oskar”a namizəd göstərildi

Mövlud Mövluda həsr edilən qısa film - Video

“Son nəfəsdə” filminə baxmaq istəyənlərin diqqətinə

Azərbaycanda adada tək yaşayan rus haqda film - Video

Putindən Qusmana: Çoxtərəfli istedada malik...

Türklər “Şaban”a görə bu qadına hiddətləndi - Foto

Anar Nağılbazla bağlı film çəkiləcək

Türkiyəli aktyor qəzada həlak oldu

Xalq artisti Kino Günündə əlbəyaxa davadan danışdı - Video

"Prezidentin məni təltif etməsindən qürur duyuram"

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla