Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Noyabr 2018


Bakıda böyük gün: “Qızıl nar” uğrunda yarış başlayır

Ana səhifə Kult Sinema
12 Punto 14 Punto 16 Punto 18 Punto

14-17 noyabr tarixlərində Bakıda Mədəniyyət Nazirliyi, Gənclər və İdman Nazirliyi, SİNEMA Gənc Kinematoqrafçılar Mərkəzi, Gənclər Fondunun təşkilatçılığı ilə IX START Beynəlxalq Qısa Filmlər Festivalı keçiriləcək.

Kult.az verir ki, bu ildən etibarən Azərbaycan Prodüserlər Gildiyası da festivalda təşkilati dəstək qismində iştirak edəcək.

Əhatə dairəsini daha da genişləndirən festivala bu il 45 ölkədən (Azərbaycan, Fransa, İspaniya, Almaniya, Böyük Britaniya, İtaliya, Türkiyə, İran, Rusiya, Gürcüstan, Qırğızıstan, Qazaxıstan, Özbəkistan, Tacikistan, Ukrayna, Makedoniya, Belçika, Polşa, Macarıstan, Estoniya, Latviya, Litva, İsveç, İsveçrə, Xorvatiya, Serbiya, Rumıniya, İsrail, ABŞ, Kanada, Çin, Hindistan, Avstraliya, Yeni Zelandiya, Argentina, Braziliya, Kolumbiya, Venesuela, Kamerun, Hollandiya, Portuqaliya, Kipr, Yunanıstan, Avstriya, Finlandiya) 490 film göndərilib.

Təqdim olunan filmlər Festivalın Təşkilat Komitəsinin təyin etdiyi üç nəfərdən ibarət Seçim Komissiyası tərəfindən izlənilərək müsabiqə proqramlarına daxil edilib. Seçim Komissiyasının qərarına əsasən bu il festivalın əsas müsabiqə bölmələrində 30 ölkədən 100 film yarışacaq. 72 film beynəlxalq, 28 film isə yerli müsabiqədə “Qızıl nar” uğrunda mübarizə aparacaq.

Təşkilat Komitəsi Beynəlxalq müsabiqədə yarışacaq filmlərin keyfiyyət səviyyəsini nəzərə alaraq nominasiyaların sayını artırıb. Belə ki, qaliblər “Ən yaxşı bədii film”, “Ən yaxşı sənədli film”, “Ən yaxşı animasiya filmi”, “Ən yaxşı eksperimental film” nominasiyaları ilə yanaşı, “Ən yaxşı bədii film rejissoru”, “Ən yaxşı sənədli film rejissoru”, “Ən yaxşı animasiya film rejissoru”, “Ən yaxşı eksperimental film rejissoru” nominasiyaları üzrə seçiləcək.

Beynəlxalq müsabiqədə filmləri 5 nəfərdən ibarət beynəlxalq münsiflər heyəti qiymətləndirəcək.

Yerli müsabiqədə “Ən yaxşı bədii film”, “Ən yaxşı sənədli film”, “Ən yaxşı animasiya filmi”, “Ən yaxşı rejissor”, “Ən yaxşı prodüser”, “Ən yaxşı ssenari”, “Ən yaxşı operator” nominasiyaları üzrə müəyyənləşəcək qalibləri üç yerli mütəxəssisdən ibarət münsiflər heyəti seçəcək.

Festivalda ilk dəfə reallaşan “Cinemobil” – telefonla çəkilmiş film müsabiqəsinə təqdim olunan 15 filmdən yalnız 3-ü onlayn səsverməyə çıxarılacaq. Təqdim olunan 10 kino layihədən 3-ü “Pitçinq”də müzakirə olunacaq.

Festival filmləri 14-17 noyabr tarixlərində Nizami Kino Mərkəzi, “Cinema Plyus - 28 Mall” kinoteatrında saat 12:00-dan 16:00-ya kimi nümayiş olunacaq.

4 günlük kinoforumda filmlərin nümayişi ilə yanaşı, Azərbaycan kinosunun 120 illiyinə həsr olunmuş xüsusi proqram, ustad dərsləri, sənət müzakirələri təşkil olunacaq.

Tarix
2018.11.06 / 17:33
Müəllif
Nigar İxtiyarqızı
Şərhlər
Загрузка...
Digər xəbərlər

Rəşid Behbudov "Sərvər"dən niyə imtina etmişdi?

Marvelin yaradıcısı öldü

Atatürklə bağlı filmə çəkilən aktrisamızdan xatırlatma – Foto

"Vur, komandir, vur”un kadrları “Savaşçı”da - Video

Məşhur rejissor “Qladiator”u yenidən çəkir

Həmyerlimiz Amerika filmində - Video

Arzu Əliyevanın filmi Tacikistanda - Foto

ATV-dəki serialda tabu işləndi: peşəkarlar nə deyir? - Video

"Adam" adam içinə çıxdı, ikinci yeri qazandı - Video

Deputat ən böyük arzusunu dilə gətirdi - Foto

KULT
<>
Xəbər xətti
 
  
  
Axar.az'da reklam Bağla
Reklam
Bize yazin Bağla